طريقة عمل كفتة كرات اللحم ، شرح كامل بالصور

طريقة عمل كفتة كرات اللحم

كفتة كرات اللحم  :

كفتة كرات اللحم المفروم تتميز بطعمها المميز والجميل وسهوله عملها عن كفتة الحاتي، لا تحتاج الي مجهود وتعب مثل بقية انواع الكفتة، ساقدم لك طريقة جديدة ومختلفة ومذاق رائع، تحضر الكفتة من اللحمة المفرومة و التوابل والبصل والخضار، وتقدم الكفتة مع العيش والطحين ،او يمكن اضافتها مع وجبه الطعام، كفته كرات اللحم المفروم تعمل في صوص البصل المشوح،كفتة كرات اللحم المفروم هي افضل في المذاق من الكفتة المشوية، يميل معظم الناس الى الكفتة  و سوف نقدم لك طريقة عمل كفتة كرات اللحم المفروم.

فوائد كفتة كرات اللحم المفروم:

1. احتوائها على نسبه عاليه من البروتين المفيد لنمو العضلات.
2. احتواء كفته الخواجه على البصل مفيد جدا نظرا لاحتواء البصل على السكريات الهامه جدا لعضله القلب.
3. احتواء كفته كرات اللحم المفروم على البهارات الطبيعيه المفيده لجهاز المناعه في الانسان.

مقادير كفتة كرات اللحم المفروم:

• نصف كيلو لحم مفروم بقري او جاموسي.
• اربع بصلات مقطعه شرائح طويله.
• بصلتين مفرومين كويس جدا  نعصر الميه بتاعتهم كويس جدا.
• معلقه كمون ساده.
• معلقه ملح ناعم.
• معلقه بهارات كفته لو عندك ما عندكيش مش مشكله.
• معلقه كبيره فلفل اسمر.
• معلقه كبيره حبهان مطحون.
• معلقه صغيره من السبع بهارات.
• زيت.

طريقة عمل كفتة كرات اللحم المفروم:

1.هنجيب طبق كبير ونحط فيه اللحمه والبصلتين اللي عصرنا من هم المياه ونحط عليهم البهارات اللي هي عباره عن الملح والفلفل الاسمر والحبهان المطحون والسبع بهارات و كمون و معلقه بهارات الكفته ونعجنهم كويس جدا لحد ما تتجانس مع بعض. 

2.ثم نضعها في الثلاجه لمده من 15 دقيقه ل 30 دقيقه بعد كده نخرج بها من الثلاجه ونجيب طبق في دقيق و نكور اللحمه كور صغيره بحجم الليمونه او على حسب الرغبه.

3. ثم نحضر طاسه نوضع فيها نصف كوب زيت ونحط فيها كور اللحمه لحد ما تاخذ لون بسيط اللون اللي انت تحبيه.

4. بعد كده نخرجها من الزيت ونوضع مكانها البصل المقطع لشرائح ونشوح البصل تشويحه مكرمله لحد ما تاخذ اللون الذهبي الغامق وتقلب باستمرار بعد كده نحط كوب ونصف مياه ويغطى عليها لحد ما تغلي.

 5.ثم نوضع كرات الكفته المحمره سابقا ونشوف محتاجه ملح او لا على حسب الرغبه ثم نسبها لحد ما تتجانس مع بعض وما يكونش فيها مياه ثم تفرغ في طبق التقديم وتقدم مع الارز الابيض او العيش والطحينه والسلطه اول مكرونه المحمره او على حسب رغبه افراد الاسره.
يارب تكون وصفتى عجبكم لو عجبتكم. لمشاهده مزيد من الطبخات زورو قناتنا علي اليوتيوب القناه علامه اليوتيوب في الموقع.

البيتزا بطريقة روعه اضغط هنا